الرمتله الفندقية

عالم الفنادق عالم من الإبداع تحت سقف واحد كل ما تتمنى تجده عندك لن نجبرك ولكن التجربة خير برهان
 
الرئيسيةالبوابةمكتبة الصورس .و .جالتسجيلدخول

شاطر | 
 

 قـصـة تايتنك السودانية...

اذهب الى الأسفل 
كاتب الموضوعرسالة
ღعيون الرياض
الإدارة
الإدارة


ذكر عدد الرسائل : 84
الموقع : vrps.ahlablog.com
تاريخ التسجيل : 16/03/2008

مُساهمةموضوع: قـصـة تايتنك السودانية...   الجمعة مارس 21, 2008 7:57 pm

قصة تايتنك سودانيه
كنت خارجة في تلك الساعة من الليل من زريبة نومي لأستقي القليل من
الماء حتى التقطت أذناي المدربتان تلك الحركة الخفيفة .. أخذت أنفض
أغشية الظلام من أمامي فإذا بها جدتي تجلس فوق كرسيها الهزاز تتأمل
النجوم ... اقتربت منها حتى رأيت انعكاس ضوء القمر فوق الدموع التي
كانت تسيل منها ..
مالك يا حبوبة "
مافي شي "
كيف مافي شي والمارق من عيونك دا ملاح ؟ قولي لي في شنو "
وبعد إلحاحي الشديد ..
وااي أنا إتذكرت الحبيب "
الحبيب ؟!!!! يا حبوبتي انت كراع جوا وكراع برا تذكري لي الحبيب ..اتذكري
القبر "
ما انتي ما عارفة قصتو "
انّسمع قصتو "
عاد بنا الزمان ستون عاما إلى الوراء
يلا يا شباب شدو الهمة دا حيكون اكبر بنطون في الشمالية كلها ..... يلا
هاكم اشربو الرد بول دا حيديكم جوانح " كان هذا مالك البنطون...
بعد انتهاء العمل وتجهيز البنطون للقيام بأول رحلة له تواجد في المكان عدد
كبير من ناقلي الشمارات لنقل شمار هذا الحدث الجلل إلى الحله المجاورة .
صعد الركاب إلى البنطون وأعلن القبطان عبر مكبرات الصوت عن انطلاقة الرحلة .
يااخوانا أنا سواق البنطون دا عليكم الله زحو لينا من الدرابزين يادوب ضاربينو
بوهية وبالله كلو زول يقعد لينا في مكانو الفوق فوق والتحت تحت ما تلخبطو لينا
الرصة.... آي عليك الله خلو الزول يعرف يشتغل ... مع تحياتي
في الليل وبعد خلود الركاب إلى النوم خرج ذلك الشاب من ركاب درجة
قريعتي راحت) فوجد تلك الفاتنة تقف على حافة البنطون تهم بالسقوط ..
عاينو العويرة دي .. عليك الله دا وقت عوم أسة "
يا غبيان أنا دايرة انتحر الحقني سريع"
الحقك لي شنو؟ ما دام دي رغبتك وجايبة فيها مجموع كويس .. خلاص "
هنا علا صوت القبطان عبر مكبرات الصوت:
ياخوانا .. والله أنا كنت نايم وزي الشفت لي حاجة كبيرة قدامي مااشتغلت بيها المهم
أسة الحاجة طلعت صخور كبيرة وحنطقش فيها والبنطون دا حيغرق يعني انتو حتموتو
حتموتو ... بس حبيت أكلمكم ... يلا مع تحياتي "
سجمي يا ...... صحي بالمناسبة نحن ماتعرفنا ما قلت لي اسمك منو يعني "
ياخي بلا اسم بلا فعل أرحكي نتلب اسة البنطون دا حيغرق "
ووب علي ووب علي ... كويس استناني البس توبي واجيك "
تلبسي توبك؟!!!! كويس برجاكي في الموية "
لا خلاص نتلب سوا"
وقفز الإثنان إلى الماء
بتعرفي تعومي "
تعومي منو ؟!! "
تعومي كامبل ... انتي عويرة ولا شنو ... بتقدري تسبحي ؟"
لا"
كويس متلبة معاي مالك .. خليتيني انتظرك سااي ..... يا سلاام ..هاكي أطلعي
فوق الخشبة دي"
ووب علي يا انت الموية باردة "
اجيب ليكي بطانية "
يا انت أوع تسيب يدي عشان اكون مطمئنة "
كويس اسة انتي فكيني عشان انا حااعوم للناحية التانيه أجيب مركب واجي انقذك "
كويس يا بطلي حستناك "
أها يا حبوبتي حصل شنو بعد داك"
> >
لي يوم الليلة ما جا يا بتي ...... يا ربي بكون ما لقى المركب لسة ؟؟؟
ههههه.اها رايكم شنو؟؟؟ ورونا ردودكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://vrps.ahlamuntada.com
Interawy
رمتالي اسطوري
رمتالي اسطوري
Interawy

ذكر عدد الرسائل : 155
العمر : 31
العمل/الترفيه : رمتالي في OIU
المزاج : زااااااااااااابط طالما الانتر زاابط
تاريخ التسجيل : 17/03/2008

مُساهمةموضوع: رد: قـصـة تايتنك السودانية...   الثلاثاء مارس 25, 2008 6:33 pm

ياخ انت جرار زمن...

_________________
شجع الانتر ولا تبالي فإن الانتر أرجل الرجال


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.inter.ae
LoRdZx
الإدارة
الإدارة
LoRdZx

ذكر عدد الرسائل : 195
العمر : 31
المزاج : :: منداح ::
تاريخ التسجيل : 17/03/2008

مُساهمةموضوع: رد: قـصـة تايتنك السودانية...   الثلاثاء مارس 25, 2008 7:31 pm

حقو نسميه كدا والله..

جر زمان غريب..

_________________

لو كان الحب كلمات تكتب لنفذت أحباري..لكن الحب أرواح توهب فهل تكفيكم روحي...؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قـصـة تايتنك السودانية...
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الرمتله الفندقية :: الإستقبال :: الرمتله العامة-
انتقل الى: