الرمتله الفندقية

عالم الفنادق عالم من الإبداع تحت سقف واحد كل ما تتمنى تجده عندك لن نجبرك ولكن التجربة خير برهان
 
الرئيسيةالبوابةمكتبة الصورس .و .جالتسجيلدخول

شاطر | 
 

 الزمن الضاااع ( عزااابه سااااي)

اذهب الى الأسفل 
كاتب الموضوعرسالة
moon's lover
رمتالي حساس..
رمتالي حساس..
avatar

ذكر عدد الرسائل : 69
العمر : 30
تاريخ التسجيل : 19/03/2008

مُساهمةموضوع: الزمن الضاااع ( عزااابه سااااي)   الخميس أبريل 17, 2008 7:19 pm


الزمن الضائع
الزمن الضائع
متين يا الله ألم الفكه

أجيب الشيلة واسوي الشبكه

وأمي تزغرد بي طول صوتها

وأنا مبسوط وظابط الشكة

هدومي معطنة بالأرياح

ريحة الخمرة وريحة الدلكة

واطبع للعيزومة كروت

حاشاها الما زي كرت البنزين

جميله زاهية في ورق التوت

وتحت الإمضاء مشكورين

لأنها لحظة ما بتفوت

وإلا تكونوا مبسوطين

ويجوا الأولاد بوجوهاً نادية

يقشوا الفسحة الواسعة وهادية

نرًكب فيها الصيونات

ونعمل حفلة بود البادية

ولازمن حفلة تكون صباحي

أشفي غليلي وأداوي جراحي

من زمن العذابة الأغبر

السًود عيشتي وزاد لنواحي

أفك القيد من قلبي وأغني

حبيب الروح وغني يا صاحي

وفي العصرية نمرق سيرة

خلوق منتظمة ماشة مسيرة

زي صف دكانأً ناصية

فيه سجاير بالتسعيرة

بناتنا يغنن مبسوطات

دور بينا البلد ده

يلفن يدورن العربات

ولمن أصل بالسيف اتقدم

زي الفارس ماشي ملجم

وشي بينضح لمعه ونضرة

قميصي نضيف وماه مجلبط

بملاح خدره

أهز في البنوت بي سيفي

وابخبخ فيهن لبن البدرة

وفجأة يدق صوت الدلوكة

وتبقى الناس بالجد مربوكة

واحدة تصفق واحدة تزغرد

وواحدةتلوك في لبان بازوكة



جابوا عروسي وبدت الوقفة

سرحت بعيد في حق القفة

جابت قون بي رقة وخفة

ما اتجرست كلا وحاشا

الا هناك واقفين شماشة

قالوا اكيد شارب حرباشة

زعلت شديد وغلبني اللعب

لانو كلامن كلو كضب

قاموا اصحابي بصوت عالي

يا عبد الله اطلع بره إشاعة إشاعة

وحتماً يوم لي أمك عايد

قونها حقيقي ما اوف صايد

صوت أصحابي أثر فوقي

بحركة ذكية جبت القون

وانا والحلوة بقينا درون

وفجأة أضفت الهدف الثاني

وغمر الساحة فرح رباني

مرقوا اصحابي يكوركوا ويهتفوا

فاتوا الفسحة وسدوا الشارع

صوتهم طاغي ظاهر وطالع

يا عبد الله هايل ورايع

جبت القون في الزمن الضايع


عبدو
في الليلة ديك القصة ذاتها بقت عليك

يا عبدو وأدوك الشريط

يوم قولنا ليك أنضم معاها وكلّما

أبيت تسمع كلامنا وبقيت لميض

وقلته أحسن أكون تقيل أنا ما جميل

وبقيت تقيل لامن سقوك موية الغسيل

وجيت تنطط زي زمان وتباري بقعور الشجر

كايس كراسي الخيزران ..

وقعدته يا زينة الرجال.. كهربجي قال

رفعوا الستار والبت تجي ومرات تقيف

ومعاها يا زول زلداً حريف

والوقفة كانت وقفة ولف

صاحبنا بالاحساس عرف

سألته والناس كلّموك

ووقعته في شارع الزلط

تبكي وتجعّر والعيون اتورّمت

ويد القميص ضهر القميص كم القميص

حتى الفنيلة اتشرّطت

يا عبدو عيب

قوم يلا صلي على الحبيب

الواطه صبحت دايرين ننوم

يا أخوانّا لأ أنا عايز أموت أقع البحر

يا عبدو عيب

الدنيا حر .. والموية بتسخّن عليك

ثلاثة ساعات زولنا يسب ويكيل

ودموعو سايلات بالكفوف

وشرايطو تلمع في الكتوف

بقى فيلسوف

في علاقة بين يوم السبت وعين الحسود؟!

ومقارنات بين الجهل والجمال!!

وسوء الإختيار

قال شينة قال ...!

قال شينة قولنا كلام صحيح

وخطيبها زاتو ولد قبيح

بس ياخي قوم الواطة صبحت دايرين ننوم

قام تاني جاب سيرة البحر

وقام تاني جاب سيرة البحر


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حسكوو
رمتالي داعر..
رمتالي داعر..
avatar

ذكر عدد الرسائل : 106
العمر : 31
العمل/الترفيه : pathology
المزاج : أدعروووه...
تاريخ التسجيل : 21/03/2008

مُساهمةموضوع: رد: الزمن الضاااع ( عزااابه سااااي)   الجمعة أبريل 18, 2008 1:35 am

الزمن ضاع يا مان
العب في الزمن الاضافي واعمل حساب ضربات الجزاء
الحب مبارة طويلة يصعب تحديدد الفائز فيها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حـــــــكومــــــــه
رمتالي مسطول..
رمتالي مسطول..


ذكر عدد الرسائل : 73
العمر : 34
العمل/الترفيه : عاشق للحياه
تاريخ التسجيل : 18/04/2008

مُساهمةموضوع: رد: الزمن الضاااع ( عزااابه سااااي)   الجمعة أبريل 18, 2008 3:37 am

كلام عجيب ياراجل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
LoRdZx
الإدارة
الإدارة
avatar

ذكر عدد الرسائل : 195
العمر : 31
المزاج : :: منداح ::
تاريخ التسجيل : 17/03/2008

مُساهمةموضوع: رد: الزمن الضاااع ( عزااابه سااااي)   الأربعاء أبريل 23, 2008 1:51 pm

ان شاء الله تقدر تحقق الفوز..
أو على الأقل دروون في قلبها..
وتحاول تجيب الفوز في قلبك.....


(مسطول يتفلسف) ههه . تحياتي

_________________

لو كان الحب كلمات تكتب لنفذت أحباري..لكن الحب أرواح توهب فهل تكفيكم روحي...؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
waloo
رمتالي جديد
رمتالي جديد


ذكر عدد الرسائل : 28
العمر : 31
العمل/الترفيه : ويست
تاريخ التسجيل : 14/04/2008

مُساهمةموضوع: رد: الزمن الضاااع ( عزااابه سااااي)   الجمعة مايو 23, 2008 9:58 am

دايرين عرس
دايرين عرس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الزمن الضاااع ( عزااابه سااااي)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الرمتله الفندقية :: الإستقبال :: الرمتله العامة-
انتقل الى: