الرمتله الفندقية

عالم الفنادق عالم من الإبداع تحت سقف واحد كل ما تتمنى تجده عندك لن نجبرك ولكن التجربة خير برهان
 
الرئيسيةالبوابةمكتبة الصورس .و .جالتسجيلدخول

شاطر | 
 

 شوفو الجهجهه ديـــ (2)

اذهب الى الأسفل 
كاتب الموضوعرسالة
moon's lover
رمتالي حساس..
رمتالي حساس..
moon's lover

ذكر عدد الرسائل : 69
العمر : 30
تاريخ التسجيل : 19/03/2008

مُساهمةموضوع: شوفو الجهجهه ديـــ (2)   الخميس أبريل 17, 2008 7:02 pm


شوفو الجهجهة دي


دينا غريبة
ناس ضايقاها ماكنتوش
وناس دافساها صحنين بوش
ناس نادوها ناريمان نهى وإيمان
نزار هيثم أسامي رشوش
وناس نادوها يا كلتوم ويا فطوم
وود بعشوم أبو طربوش أسامي بروش
ناس في الحب بتدخل توش
بدون تقديم بدون تلميح معاها قروش
شبح موديل سنة ألفين بيملى الحوش
وناس بتريد بكاها يزيد وما بتوصل
دوام يدوها بالشاكوش
عشان تعبان مفلس تب ما عندو ماكنتوش
وتسمع لب
و لب لب لب
وراسو يدوش ويبقى عموش
يقولوا عليهو شهيد في الحب ومات مغشوش
وحالي البي أصبح كيف
ده من شفتك غشاني خريف
مطر من جسمي نازل شو
ويوم سيرتك يجيبوها
أبقى أخاف أكون رجاف
بدل رفدور أرش بف باف
قميصي الساوي لي غلبة
مسكتو لبستو بالقلبة
أدور أنضم أتمتم زين
أمرق الكلمة من علبة
واتلخبط
كراع جزمة واعاين التانية ألقى شبط
وأكون ملخوم ..
أشوف سنير .. أقول برلوم
أمش شمبات .. أقول أم دوم
أشوف شندي .. أقول خرطوم
أقلب الحال ..
ليلي سهر .. صباحي أنوم
واحلم يوم
تكوني معاي ونطلع في مكاناً هاي
تشربي كولا واقعد ساي
أتوه واسرح وانم دوباي
وا أسفاي وا أسفاي
على قلبي الصبح بكاي
وشن بنسوي لما نشوف قمر ضواي
يطلق النار يشع جواي
ويبقى مناي .. أعاين ليك صباح ومسا
واجر السبحة أقول مدحة
سراي سراي
مناي ألقاك يا السمحة
مناي تجودي بي عينيك فد لمحة
ولمن تلبسي الطرحة .. تصاب معدتنا بالقرحة
ويجربوا فينا كل علاج :
هستامين .. كلوركوين
ده لا ينفعنا إنتستين
ولا يشفينا درب كينين
وما عارفين إنو علاجنا كافلجين
وكافلجين علاج لكل مرض خطري
علاج للبشري والبطري
وأشوف قدري
أكان حبيت وشاع خبري
أكان كفت الهموم كفري
وقبل أموت .. أقول كلمات
أوصي بدفني في الأحفاد
ويبقى فراشي في شمبات


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حـــــــكومــــــــه
رمتالي مسطول..
رمتالي مسطول..


ذكر عدد الرسائل : 73
العمر : 34
العمل/الترفيه : عاشق للحياه
تاريخ التسجيل : 18/04/2008

مُساهمةموضوع: رد: شوفو الجهجهه ديـــ (2)   الأحد أبريل 20, 2008 7:17 am

والله انت زعلان من نفسك زعل شديد حرام عليك البتعملو في نفسك دا
تسلم على الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moon's lover
رمتالي حساس..
رمتالي حساس..
moon's lover

ذكر عدد الرسائل : 69
العمر : 30
تاريخ التسجيل : 19/03/2008

مُساهمةموضوع: رد: شوفو الجهجهه ديـــ (2)   الأحد أبريل 20, 2008 11:13 pm

يديك العافيه يا حكوووومه على تكرمك بالمروووور لكن انتا فاهم غلط دا ما انا ,انا اصلا نسيت اكتب اخر حاااجه
(منقـــــــــــــــــــــــــــوووووول)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
LoRdZx
الإدارة
الإدارة
LoRdZx

ذكر عدد الرسائل : 195
العمر : 31
المزاج : :: منداح ::
تاريخ التسجيل : 17/03/2008

مُساهمةموضوع: رد: شوفو الجهجهه ديـــ (2)   الإثنين أبريل 21, 2008 11:45 am

يا راجل .. ((منقول )) ولا دي ذكريات مشوكش....

_________________

لو كان الحب كلمات تكتب لنفذت أحباري..لكن الحب أرواح توهب فهل تكفيكم روحي...؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moon's lover
رمتالي حساس..
رمتالي حساس..
moon's lover

ذكر عدد الرسائل : 69
العمر : 30
تاريخ التسجيل : 19/03/2008

مُساهمةموضوع: رد: شوفو الجهجهه ديـــ (2)   الأربعاء أبريل 23, 2008 2:50 am

ما في داعي يا مشرفنا على تقليب الزكرياااااااااااااااااااااات
يديك العافيه على الملرور الكريم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شوفو الجهجهه ديـــ (2)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الرمتله الفندقية :: الإستقبال :: الرمتله العامة-
انتقل الى: